Sistema de notificacións electrónicas de Galicia Notifica.gal
Servizo que permite a cidadáns, empresas e administracións públicas recibir, de forma áxil e sinxela, as notificacións electrónicas enviadas pola Xunta de Galicia ou por calquera outra administración pública galega.
Se non dispón de Chave365 pode facerse con ela por dúas vías:
-
Se ten un certificado electrónico ou DNI electrónico pode conseguila de forma electrónica a través da sede con este procedemento.
-
Presencialmente, dirixíndose a calquera dos órganos ou unidades administrativas da Xunta de Galicia que realicen as funcións de rexistro de usuarios (consúlteos aquí e antes revisa esta páxina para saber que debe levar consigo).
Se necesita máis información pode ver aquí como funciona.
Acceso con certificado dixital válido ou DNI electrónico. Pode combrobar a validez do seu certificado en VALIDe. Consultar os certificados admitidos.
Para usar o sistema deberá rexistrarse. Pode obter máis información sobre este proceso no apartado de rexistro.
Ao rexistrarse, proporcionaranse dous tipos de claves de acceso:
-
Cl@ve PIN: orientada a accesos esporádicos, con contrasinal de validez moi limitada no tempo.
-
Cl@ve Permanente: orientada a accesos habituais, e ao uso da sinatura na nube, con contrasinal de validez duradeira no tempo, pero non ilimitada.
Se dispón da app Cl@ve, poderá tamén facer uso da opción Cl@ve Móbil, que lle permite identificarse sen claves nin contrasinais, escaneando un QR ou confirmando a petición que lle chegará ao móbil.
Pode contactar co servizo de atención á cidadanía
012.
Se ten problemas técnicos recomendámoslle comprobar os
requisitos de uso
e, se os problemas persisten, utilizar o
soporte técnico de eServizos.
- Acceder ás notificacións enviadas pola Xunta de Galicia ou por calquera das administracións públicas galegas adheridas a Notifica.gal.
- Modificar o medio de notificación (postal ou electrónico) elixido para cada organismo.
- Autorizar a outra persoa a acceder no seu nome ás notificacións.
- Actualizar os seus datos persoais (correo electrónico e teléfono móbil), que son os que utiliza a plataforma para enviarlle avisos e recordatorios.
- Darse de baixa (no caso de que non pertenza a un dos colectivos obrigados a recibir notificacións electrónicas).
- As persoas xurídicas.
- As entidades sen personalidade xurídica.
- Quen exerza unha actividade profesional para a cal se requira colexiación obrigatoria, para os trámites e actuacións que realicen coas administracións públicas no exercicio da devandita actividade profesional. En todo caso, dentro deste colectivo entenderanse incluídos/as os/as notarios/as e rexistradores/as da propiedade e mercantís.
- Persoal empregado das administracións públicas para os trámites e actuacións que realicen con elas por razón da súa condición de empregado/a público/a, na forma en que o determine regulamentariamente cada Administración.
- Traballadores e traballadoras autónomos/as para os trámites e as actuacións que realicen no exercicio da súa actividade profesional.
- Estudantado universitario para os trámites e as actuacións que realicen motivados pola súa condición académica.
- Quen represente a unha persoa interesada que estea obrigada a relacionarse electronicamente coa Administración.
